Nola erregistratu erregularizazioa EEELn?
Gure inbertsio-ondasunen erregularizazioak erregistratzeko, Urteko erregularizazioa fitxa sakatu behar da. Eremu desberdinen barruan, honako hauek hautatu behar dira: erregularizatu beharreko ondasuna, aldez aurretik alta emanda; hasierako urteko prorrata, ondasunaren altaren urtean behin betiko aplikatutako prorrata da, ez erosketa unean behin-behinean aplikatu dena; aurten aplikatutako prorrata; eta erregularizazioaren ondorioz legokiokeen kenkari osagarria.
Erregularizazio-aldia amaitu aurretik gure jarduerari eragiten ez dioten inbertsio-ondasunen erregularizazioak erregistratzeko, Baja fitxa sakatu behar da.Ondasuna hautatzeaz gain, baja emateko arrazoia hautatu behar da, adibidez, eskualdaketa (salmenta).
Adierazi behar da ondare-irabazirik edo -galerarik dagoen, irabazi edo galera horren balioa, hasierako urtean ezarritako hainbanaketaren ehunekoa eta eskualdaketari dagokion erregularizazioa.
Azkenik, sakatu GORDE.