FAQ | BFA

Adibidez, profesional batek makina bat erosten du bere jarduera profesionaletan erabiltzeko, 20.000 €+ % 21eko BEZa (4.200 €). 0 urtean, bi jarduera garatzen ditu, bata % 100eko kenkaria egiteko eskubidearekin eta bestea kenkari eskubiderik gabe, 0 urteko behin betiko prorrata kalkulatzean kuotaren % 73ko kenkaria aplikatuz.
Batuz

Adibide honetan, erregularizazioa honela garatzen da:

0 urtea: adibidean ondasuna urtearen erdian erosi da; oraindik ez dakigunez urteko behin betiko ehuneko kengarria, aurreko urteko ehunekoa behin-behinean erabiltzen dugu (demagun % 70 izan zela, eta, beraz, jasandako BEZaren % 70 kentzen da, 2.940 €); urte amaieran behin betiko ehunekoa kalkulatzen denean ( % 73), % 3 gehigarria kendu behar da (126 €), 10 puntu baino gehiagoko aldea dagoen alde batera utzita. Behin betiko ehuneko hori ( % 73) hurrengo urteetarako erreferentzia izango da.
1. urtea: 10 puntu baino gutxiagoko aldea dagoenez, ez da erregularizaziorik egin behar (76-73 = 3, 10etik beherakoa).
2. urtea: aldea 10 puntutik gorakoa denez, erregularizatu egin behar da (90-73 = 17); aldea (kasu honetan positiboa: 4200* % 17 = 714) zati 5 egin behar da (10 higiezina bada), eta emaitza egin beharreko kenkari osagarri bat izango da (714/5 = 142,8 €).
3. urtea: aldea 10 puntutik gorakoa denez, erregularizatu egin behar da (47-73 = -26); aldea (kasu honetan negatiboa: 4200* -% 26 = - 1.092) zati 5 egin behar da (10 higiezina bada), eta emaitza egin beharreko diru-sarrera osagarria izango da (-1.092/5 = -218,4 €).
4. urtea: 10 puntu baino gutxiagoko aldea dagoenez, ez da erregularizaziorik egin behar (67-73 = -6, 10etik beherakoa).

Inbertsio-ondasunengatiko kenkariak erregularizatzeko prozedura